ATMA REKHa

ATMA REKHa

“Ek aisa yug jaha puri duniya andhkar mein kho chuki hai, kuch atm rekha se bandhe hue saathi ek aisi vipati ke khilaaf khade hote hai jo hamare samajh aur kalpana ke pare hai”

THE UNKNOWN

Kuch log unhe Narakshas kehte hain… aur kuch bache hi nahi ki unka naam rakh sakein. Is duniya mein alag-alag rakshas hain, sirf janwar nahi. Yeh bade aur bhayanak janwar, ya danav, hain jo insaanon ko khate hain. Insaan ab jee nahi raha… bas kisi tarah bach raha hai. Aur har din ek nayi kahani hoti hai ya to bachne ki… ya mit jaane ki.

Nythra

Nythra ye dikhai nahi deta, par woh tumhare andar rehta hai. Har us darr, har us cheekh, aur har us gehri iccha ke sath woh aur takatwar hota jati hai jise tum chupani ki koshish karte ho. woh tumhare andar ke andhere ko jagaata hai. Woh tumhari soch ko itna kar dega ki tum khud se darne lagoge. Woh humare kaam ko itna bhatka dega ki har raasta tumaru barbadi par khatam hoga.

Powers

Powers ke baare me abhi zyada batana story ke liye thoda dangerous hoga 😭Surface level pe dekho toh fire, water, ice aur baki elements jaisi cheezein mil jayengi. Lekin Atma Rekha me powers sirf powers nahi hai. Har power ke piche ek reason hai. Ek source hai. Ek price hai. Aur kuch powers aysi hai jinke baare me unke users ko bhi puri sachai nahi pata. Jitni badi power... Utna bada uska asar. Aur kabhi kabhi... Power se zyada khatarnak woh cheez hoti hai jo usse dekh rahi hoti hai

Genres?

• Dark Fantasy
• Mystery
• Psychological
• Action
• Adventure
• Emotional Drama
• Supernatural

INSPIRATION

And inspiration my first and my favourite anime - your like in April umm it made me realise somthing and then Attack on Titan it showed me something and One Piece... I can't explain that so ya

MANGA PROGRESS

Abhi tak manga ke 4.5 chapters complete ho chuke hai. Current target 8 chapters complete karna hai. Official release August ke around plan ki gayi hai. Exact date abhi decide nahi hui hai. Story long-term planned hai aur future me 200+ chapters tak ja sakti hai. Main pichle 1.6 years se kaam kar raha hu aur manga ke around audience build karne ki koshish karne ki soch raha hu ha soch rha hu I'm too lazy.

sab kuch slowly progress kar raha hai... Lekin progress ho raha hai. Aur mere liye filhaal wahi kaafi hai 😭

YEH IDEA AAYA KAHA SE?

Honestly... Mujhe pata hai shayad tum is part me interested nahi hoge. Lekin phir bhi bata deta hu 😭 Ek din mujhe ek strange dream aaya. Aaj bhi mujhe uska exact scene yaad nahi. Bas us dream ka feeling yaad hai. Fir maine uske baare me baar baar sochna start kiya. Aur kuch time baad wahi type ke dreams mujhe lagbhag roz aane lage. Mostly final battle type scenes.

Destroyed places. Unknown faces. Aur bohot saare questions. Maine yeh sab apne friends ko bataya. Kuch ne bola "nice".

Kuch ne bola "bhai jaldi soya kar" 😭 Aur ek ne bola...

"Ispe game bana."

Pr wo meri bss ki baat nahi thi then ek din kisi ne kaha bhai tu manga bana

Uske baad maine alag alag scenes imagine karna start kiya. Dheere dheere mere paas 10-20 random scenes the.

Crazy battles. Sad moments. Character interactions Lekin ek problem thi, Story thi hi nahi Bas scenes the. Fir maine un random pieces ko connect karna start kiya. Ek starting banayi. Fir usse connect kiya. Fir uske baad dusra piece. Fir teesra. Aur dheere dheere... Atma Rekha exist karne lagi.

ATMA REKHA KIS CHEEZ SE BANI?

Story? Dreams. Plot? Imagination. Weapons aur concepts? Bhagwat Geeta aur kuch aur Indian scriptures ke concepts se inspired. Outfits? Starting me Pinterest references use kiye the. Lekin ab main mostly khud design karta hu. Aur har naye design ke saath aur improve karne ki koshish karta hu.

ART PROCESS

Har character main khud draw karta hu.

And yah , MAIN AI USE KARTA HU. Lekin full manga banane ke liye nahi.

Pehle main khud dialogues likhta hu.

Scenes plan karta hu. Rough sketches aur panels draw karta hu. Agar tum mere Instagram par jaoge toh unme se kuch dekh bhi sakte ho. Uske baad main un rough panels aur character references ko AI ke through visualize karta hu. Fir unhe trace, edit aur improve karta hu. Details add karta hu. Aur final look fully different.

Isliye mere liye AI ek tool hai. Artist nahi. Brush hai. Painter nahi.

Please no hate ik it's wrong but I'm just a student i can't give my 17hrs a day for 1 month for 2 pages and get comments like Abe ye kya bana diya and and i afford any artists so ya i need a little support, i just have a story ya i will get few artists one i get a litte money

FINAL NOTE

Honestly... Mujhe nahi pata log Atma Rekha ko kaise dekhenge. Ek manga? Ek strange dream? Ya kuch aur?

Lekin ek cheez mujhe pata hai. Yeh story bohot time se mere mind me hai.

Aur ab main nahi chahta ki yeh sirf mere mind me hi rahe. Shayad tumhe pasand aaye. Shayad na aaye,

Dimag ka vadapao ho gya hai toh tum bhi thoda taste karo